Republican Guard - Garda e Republikes

[Martin]

nevoje.

Stervitjet qe ben BOS, duhet te bej G.O.G. Pra me konkretisht, Escort ne take, uje, dhe ajer, Mbrojtje ne toke uje dhe ajer, Extraction ne toke, uje dhe ajer, Mbeshtetje, Intel dhe kaq. Nderhyrjet taktike tja lene ne dore profesionisteve si RENEA apo BOS, por me tamam tamam i takon RENEAs.

Plotesisht dakort me analizen dhe sygjerimet e tua.
Nje gje desha te shtoj persa i perket zonave te veprimit te RENEA-s dhe BOS. Nuk e di se si i ndan zonat e veprimit ligji shqiptar por normalisht te gjitha nderhyrjet taktike brenda perbrenda territorit shqiptar (ne kohe paqeje) duhet te kryhen nga forcat speciale te policise! Ne kete rast RENEA. Ushtria ska pune  ne ate mes dhe pike. Sfera e veprimit te forcave speciale te ushtrise ne kohe paqeje eshte vetem perjashta kufinjve te shqiperise.. Dmth nese paraqitet nje rast i tille ne Afganistan...ose ndokund  tjeter ku kemi trupa dhe cenohen interesat tona... (sa aftesi operative kemi per te bere nderhyrje eshte tjeter).. Do ishte me interes  nese ndonjeri di me teper rreth ndarjes se sferave te veprimit per forcat speciale te ushtrise dhe te policise shqiptare.
Gjithe te mirat

[Insanity]

martin ke plotesish te drejte qe cdo ngjarje ne vend duhet kontrolluar nga organet e rendit por ka disa raste te vecanta qe kerkohet ndihma e forcave speciale te ushtrise.
Garda ne shqiperi me mire te meret me mbrojtjen e personaliteteve, te pergatitet per ate detyre dhe te jete njeshi per ate qe ben, nuk ka pse te ngaterohet me BOS dhe Renean, gabimi eshte tek struktura se nuk kane nje strukture te mirefillte qe ti ndaje detyrat dhe me thene te drejten nuk mund te jesh AS ne cdo gje.Shiko qe te fotot qe nxjerrin po ti shikosh nga ana taktike kur duan te hyne ne godine nga dera e xhamit, jane vene ne resht dhe i pari eshte fshehur para deres se xhamit, pa kuptim, pastaj stervitja ne bore cfare tregon se mund e vraposh ne bore apo pergatitjen e larte fizike . NQS nuk e ke pjese te misionit nuk ke pse stervitesh, ne gjera qe nuk te hyne ne pune, se psh snajperit qe merr pjese ne ruajtjen e personaliteteve nuk i hyn ne pune vrapimi ne bore qe mund te beje 10 dite ne vit.

[Civili]

martin ke plotesish te drejte qe cdo ngjarje ne vend duhet kontrolluar nga organet e rendit por ka disa raste te vecanta qe kerkohet ndihma e forcave speciale te ushtrise.
Garda ne shqiperi me mire te meret me mbrojtjen e personaliteteve, te pergatitet per ate detyre dhe te jete njeshi per ate qe ben, nuk ka pse te ngaterohet me BOS dhe Renean, gabimi eshte tek struktura se nuk kane nje strukture te mirefillte qe ti ndaje detyrat dhe me thene te drejten nuk mund te jesh AS ne cdo gje.Shiko qe te fotot qe nxjerrin po ti shikosh nga ana taktike kur duan te hyne ne godine nga dera e xhamit, jane vene ne resht dhe i pari eshte fshehur para deres se xhamit, pa kuptim, pastaj stervitja ne bore cfare tregon se mund e vraposh ne bore apo pergatitjen e larte fizike . NQS nuk e ke pjese te misionit nuk ke pse stervitesh, ne gjera qe nuk te hyne ne pune, se psh snajperit qe merr pjese ne ruajtjen e personaliteteve nuk i hyn ne pune vrapimi ne bore qe mund te beje 10 dite ne vit.

Insanity, jam kurioz të di se në cfarë situate gjykon së do të ishte e nevojshme ndërhyrja e FS të Ushtrisë në vend të RENEA-s?
Këtu po bëj dhe pyejten se kush do të ndërhynte në rast të një kërcemi terrorist (të jashtëm) brenda territorit, ku mund të përfshihej dhe pengmarrja? (Si paralele me SH.B.A, për nevojën e ndërhyrjes së SEALs/Delta Force në vend të SWAT/FBI.  )

[TacTeam]

Ja se cfare parashikon Kushtetuta e Republikes se Shqiperise.


PJESA E PESËMBËDHJETË
FORCAT E ARMATOSURA

Neni 166
 
1.   Shtetasit shqiptarë kanë për detyrë të marrin pjesë në mbrojtjen e Republikës së Shqipërisë, siç parashikohet në ligj.
2.   Shtetasi që, për arsye ndërgjegjeje, nuk pranon shërbimin me armë në forcat e armatosura, është i detyruar të kryejë një shërbim alternativ, siç parashikohet në ligj.
 
Neni 167
 
1.   Ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti ose në veprimtari politike.
2.   Pjesëtarët e forcave të armatosura ose personat që kryejnë shërbim alternativ, gëzojnë të gjitha të drejtat dhe liritë kushtetuese, përveç rasteve kur ligji parashikon ndryshe.
 
Neni 168
 
1.   Forcat e Armatosura të Republikës së Shqipërisë përbëhen nga forcat tokësore, detare dhe ajrore.
2.   Presidenti i Republikës është Komandant i Përgjithshëm i Forcave të Armatosura.
3.   Këshilli i Sigurimit Kombëtar është organ këshillimor i Presidentit të Republikës.
 
Neni 169
 
1.   Presidenti i Republikës, në kohë paqeje, ushtron drejtimin e Forcave të Armatosura nëpërmjet Kryeministrit dhe ministrit të Mbrojtjes.
2.   Presidenti i Republikës, në kohe lufte, emëron dhe shkarkon Komandantin e Forcave të Armatosura me propozim të Kryeministrit.
3.   Presidenti i Republikës, me propozim të Kryeministrit, emëron dhe shkarkon Shefin e Shtabit të Përgjithshëm, si dhe, me propozim të ministrit të Mbrojtjes, emëron dhe shkarkon komandantët e forcave tokësore, detare dhe ajrore.
4.   Kompetencat e Presidentit të Republikës si Komandant i Përgjithshëm i Forcave të Armatosura dhe ato të Komandantit të Forcave të Armatosura dhe varësia e tyre nga organet kushtetuese, caktohen me ligj.
 
PJESA E GJASHTËMBËDHJETË
MASAT E JASHTËZAKONSHME

Neni 170
 
1.   Masat e jashtëzakonshme mund të vendosen për shkak të gjendjes së luftës, gjendjes së jashtëzakonshme ose gjendjes së fatkeqësisë natyrore dhe zgjatin për aq kohë sa vazhdojnë këto gjendje.
2.   Parimet e veprimtarisë së organeve publike dhe shkalla e kufizimit të të drejtave dhe lirive të njeriut gjatë gjithë periudhës së ekzistencës së gjendjeve që kërkojnë marrjen e masave të jashtëzakonshme, përcaktohen me ligj.
3.   Ligji duhet të përcaktojë parimet, fushat dhe mënyrën e kompensimit të humbjeve që vijnë si rezultat i kufizimit të të drejtave dhe lirive gjatë marrjes së masave të jashtëzakonshme.
4.   Aktet që ndërmerren si pasojë e marrjes së masave të jashtëzakonshme, duhet të jenë në përpjesëtim me shkallën e rrezikut dhe duhet të synojnë rivendosjen sa më të shpejtë të kushteve për funksionimin normal të shtetit.
5.   Gjatë gjendjeve që kërkojnë marrjen e masave të jashtëzakonshme, nuk mund të ndryshohet asnjë prej këtyre akteve: Kushtetuta, ligjet për zgjedhjet për Kuvendin dhe për organet e pushtetit vendor, si dhe ligjet për masat e jashtëzakonshme.
6.   Gjatë periudhës së zbatimit të masave të jashtëzakonshme nuk mund të zhvillohen zgjedhje vendore, nuk mund të zhvillohet referendum, si dhe nuk mund të zgjidhet një President i ri i Republikës.  Zgjedhjet vendore mund të bëhen vetëm aty ku nuk zbatohen masat e jashtëzakonshme.
 
Neni 171
 
1.   Në rast agresioni të armatosur kundër Republikës së Shqipërisë, Presidenti i Republikës, me kërkesë të Këshillit të Ministrave, shpall gjendjen e luftës.
2.   Në rast kërcënimesh të jashtme ose kur detyrimi për mbrojtje të përbashkët buron nga një marrëveshje ndërkombëtare, Kuvendi, me propozim të Presidentit të Republikës, shpall gjendjen e luftës, vendos gjendjen e mobilizimit dhe të çmobilizimit të përgjithshëm ose të pjesshëm.
 
Neni 172
 
1.   Në rastin e nenit 171 paragrafi 1, Presidenti i Republikës i paraqet Kuvendit dekretin për vendosjen e gjendjes së luftës brenda 48 orëve nga nënshkrimi i tij, duke specifikuar të drejtat që kufizohen.
2.   Kuvendi merr në shqyrtim menjëherë dhe vendos me shumicën e të gjithë anëtarëve për dekretin e Presidentit.
 
Neni 173
 
1.   Në rast rreziku për rendin kushtetues dhe për sigurinë publike, Kuvendi, me kërkesë të Këshillit të Ministrave, mund të vendosë në një pjesë ose në të gjithë territorin e shtetit gjendjen e jashtëzakonshme, e cila zgjat për aq kohë sa vazhdon rreziku, por jo më shumë se 60 ditë.
2.   Me vendosjen e gjendjes së jashtëzakonshme ndërhyrja e forcave të armatosura bëhet me vendim të Kuvendit dhe vetëm kur forcat e policisë nuk janë në gjendje të rivendosin rendin.
3.   Zgjatja e afatit të gjendjes së jashtëzakonshme mund të bëhet vetëm me pëlqim të Kuvendit çdo 30 ditë, për një periudhë jo më shumë se 90 ditë.
 
Neni 174
 
1.   Për parandalimin ose mënjanimin e pasojave të një fatkeqësie natyrore ose aksidenti teknologjik, Këshilli i Ministrave mund të vendosë, për një periudhë jo më të gjatë se 30 ditë, gjendjen e fatkeqësisë natyrore në një pjesë ose në të gjithë territorin e shtetit.
2.   Zgjatja e gjendjes së fatkeqësisë natyrore mund të bëhet vetëm me pëlqimin e Kuvendit.
 
Neni 175
 
1.   Gjatë gjendjes së luftës ose gjendjes së jashtëzakonshme nuk mund të kufizohen të drejtat dhe liritë e parashikuara nga nenet: 15, 18, 19, 20, 21, 24, 25, 29, 30, 31, 32, 34, 39 paragrafi 1, 41 paragrafët 1, 2, 3 dhe 5, 42, 43, 48, 54, 55.
2.   Gjatë gjendjes së fatkeqësisë natyrore mund të kufizohen të drejtat dhe liritë e parashikuara nga nenet: 37, 38, 41 paragrafi 4, 49, 51.
3.   Aktet për shpalljen e gjendjes së luftës, gjendjes së jashtëzakonshme ose të gjendjes së fatkeqësisë natyrore duhet të cilësojnë të drejtat dhe liritë që kufizohen sipas paragrafëve 1 dhe 2 të këtij neni.
 
Neni 176
 
Kur Kuvendi nuk mund të mblidhet gjatë gjendjes së luftës, Presidenti i Republikës, me propozim të Këshillit të Ministrave, ka të drejtë të nxjerrë akte që kanë fuqinë e ligjit, të cilat duhet të miratohen nga Kuvendi në mbledhjen e tij më të parë.
 

[TacTeam]

Per efekt arkivimi po e bej copy & paste

L I G J Nr.8869, datë 22.5.2003


 


PËR GARDËN E REPUBLIKËS SË SHQIPËRISË


 


Në mbështetje të neneve 78, 81 pika 1 dhe 83 pika 1 të Kushtetutës, me propozimin e Këshillit të Ministrave,


 


K U V E N D I

I REPUBLIKËS SË SHQIPËRISË


 


V E N D O S I:


 


Neni 1


 


Objekt i këtij ligji është përcaktimi i misionit, i organizimit të Gardës së Republikës të Shqipërisë dhe i statusit të saj.


 


Neni 2


 


1. Garda e Republikës së Shqipërisë është strukturë me status të veçantë në Ministrinë e Rendit Publik, që ka për mision ruajtjen dhe mbrojtjen e personaliteteve të larta shtetërore dhe të rezidencave, të përcaktuara në këtë ligj. Ajo varet nga Ministri i Rendit Publik.

2. Misioni dhe statusi i Gardës nuk ndryshojnë në gjendje të jashtëzakonshme apo në gjendje lufte.


 


Neni 3


 


Garda e Republikës është person juridik, buxheti i së cilës është zë më vete në buxhetin e Ministrisë së Rendit Publik.


 


Neni 4


 


Garda e Republikës së Shqipërisë ruan e mbron:

a) Presidentin e Republikës, Kryetarin e Kuvendit, Kryeministrin, si dhe familjet e tyre.

b) Personalitetet e huaja, që vijnë në vendin tonë, në rang të njëjtë me personalitetet shqiptare të shkronjës “a” dhe “c”.

c) Kryetarin e Gjykatës Kushtetuese, zëvendëskryetarët e Kuvendit, anëtarët e Këshillit të Ministrave, Kryetarin e Gjykatës së Lartë, Prokurorin e Përgjithshëm, Kryetarin e SHISH-it, Kryetarin e Kontrollit të Lartë të Shtetit, Guvernatorin e Bankës së Shtetit, Avokatin e Popullit, Kryetarin e KQZ-së, kryetarin e partisë më të madhe të maxhorancës parlamentare, kryetarin e partisë më të madhe të opozitës parlamentare dhe Kryetarin e Bashkisë së Tiranës.

ç) Rezidencat presidenciale, të Kuvendit dhe të Këshillit të Ministrave, si dhe seli e rezidenca të tjera të përcaktuara me vendim të Këshillit të Ministrave.

d) Banesat e personaliteteve të përmendura në shkronjat “a”, “b” dhe “c” të këtij neni.


 


Neni 5


 


1. Presidenti i Republikës së Shqipërisë ruhet edhe 4 vjet pas lirimit nga funksioni, Kryetari i Kuvendit dhe Kryeministri edhe 3 vjet pas lirimit nga funksioni, kurse Kryetari i Gjykatës Kushtetuese, Kryetari i Gjykatës së Lartë, Prokurori i Përgjithshëm, Ministri i Rendit Publik dhe Kryetari i SHISH-it edhe dy vjet pas lirimit nga funksioni.


 


2. Për personalitete të tjera, që përmenden në shkronjën “c” të nenit 4, ruajtja e tyre pas lirimit nga funksioni përcaktohet me vendim të Këshillit të Ministrave.


 


Neni 6


 


Garda e Republikës siguron ruajtjen e mbrojtjen në objekte edhe gjatë veprimtarive ku marrin pjesë Presidenti i Republikës, Kryetari i Kuvendit, Kryeministri, grup personalitetesh, të përcaktuara në shkronjën “c” të nenit 4 dhe pjesëtarë të delegacioneve të huaja, siç përcaktohen në shkronjën “b” të nenit 4.


 


Neni 7


 


Garda e Republikës kryen ceremonialet me truproja nderi, sipas përcaktimit që bëhet në protokollin e shtetit. Mënyra e kryerjes së shërbimit të truprojës së nderit të Republikës përcaktohet në rregullore të veçantë, të miratuar nga Këshilli i Ministrave.


 


Neni 8


 


1. Garda përbëhet nga komanda qendrore, drejtori dhe struktura të tjera vartëse.

2. Struktura, organizimi, varësia strukturore dhe limiti organik i Gardës së Republikës përcaktohen me vendim të Këshillit të Ministrave, me propozimin e Ministrit të Rendit Publik.


 


Neni 9


 


Komandanti i Gardës ka autoritetin e plotë të drejtimit e të kontrollit të të gjithë veprimtarisë së Gardës. Ai është përgjegjës para Ministrit të Rendit Publik për përgatitjen dhe gatishmërinë e efektivave të Gardës dhe për realizimin e misionit të saj.


 


Neni 10


 


1. Komandanti i Gardës së Republikës emërohet nga Kryeministri, me propozimin e Ministrit të Rendit Publik. Ai përzgjidhet nga radhët e oficerëve madhorë të karrierës të Gardës dhe të Policisë së Shtetit.

2. Komandanti i Gardës lirohet nga detyra kur:

a) jep dorëheqjen;

b) bëhet i paaftë nga ana shëndetësore për një periudhë kohe mbi 6 muaj;

c) dënohet me vendim gjykate të formës së prerë për një çështje penale;

ç) tregon paaftësi në përmbushjen e detyrës;

d) arrin moshën për pension.


 


Neni 11


 


1. Punonjësit e Gardës, sipas detyrave dhe funksioneve që kryejnë, kategorizohen në gardistë dhe punonjës të nivelit:

a) të ulët;

b) të mesëm;

c) të lartë;

ç) madhor.

2. Punonjës të nivelit të ulët janë nënoficerët gardistë, të cilët shërbejnë për ruajtjen e objekteve dhe të personaliteteve.

3. Punonjës të nivelit të mesëm janë oficerët gardistë, të cilët ruajnë dhe mbrojnë personalitetet dhe objektet e përcaktuara në këtë ligj.


 


4. Punonjës të nivelit të lartë janë oficerët gardistë, drejtues të shërbimeve dhe të strukturave në Gardë.

5. Punonjës të nivelit madhor janë oficerët gardistë, drejtues të Gardës e të strukturave të saj.


 


Neni 12


 


1. Në Gardën e Republikës pranohen shtetasit shqiptarë sipas kritereve të mëposhtme:

1.1. Për gardistët:

a) të kenë arsimin e mesëm;

b) të mos jenë dënuar penalisht;

c) të kenë sjellje të mira qytetare;

ç) të jenë të aftë fizikisht dhe me gjatësi jo më të vogël se 1,75 m.

1.2. Për nënoficerët gardistë:

Përveç kushteve të përcaktuara në pikën 1.1 të këtij neni, duhet të kenë kryer shërbimin ushtarak, të jenë diplomuar në Institutin e Policisë ose në kurse të barasvlershme me të dhe të pranojnë nënshkrimin e kontratës.

1.3. Për oficerët gardistë:

a) Të jenë diplomuar në Akademinë e Policisë, në Akademinë e Mbrojtjes, ose të jenë me arsim të lartë civil për specialitete të veçanta.

b) Të nënshkruajnë kontratën e pranimit.

1.4. Për oficerët e lartë të Gardës:

Përveç kritereve që parashikohen në pikën 1.3, të kenë kryer kurse kualifikimi, në përputhje me funksionin që do të kryejnë.

1.5. Në sektorët mbështetës dhe në ato administrativë të Gardës punësohen edhe persona, të cilët trajtohen sipas ligjit nr.8549, datë 11.11.1999 “Për statusin e nëpunësit civil” apo sipas Kodit të Punës.


 


Neni 13


 


Efektivi i Gardës së Republikës betohet sipas kësaj formule betimi:

“Si pjesëtar i Gardës së Republikës betohem se do të jem besnik i popullit tim, trim, i disiplinuar, se do të zbatoj kërkesat e Kushtetutës e të ligjeve dhe do të jem i gatshëm përherë, duke mos kursyer as jetën, për kryerjen e detyrës. Ndëshkimi më i rëndë i ligjeve le të më jepet, nëse shkel këtë betim solemn! Betohem!”.


 


Neni 14


 


1. Punonjësi i Gardës largohet nga Garda dhe kalon në rezervë kur:

mbush moshën për pension;

b) bëhet i paaftë për punë nga ana shëndetësore për një periudhë kohe mbi 6 muaj me vendim të komisionit mjekësor ose të gjykatës;

c) shkurtohet funksioni ose për shkak të ndryshimeve në organikë;

ç) kërkon ai vetë, pasi ka plotësuar kushtet e kontratës së pranimit.

2. Punonjësi i Gardës përjashtohet nga Garda kur:

a) kryen, në mënyrë të përsëritur, thyerje të rënda të disiplinës;

b) nuk paraqitet në detyrë, pa shkaqe të arsyetuara, mbi 7 ditë;

c) shkel betimin;

ç) është jashtë kritereve të përcaktuara në këtë ligj;

d) dënohet penalisht.

3. Marrëdhëniet e punës, të karrierës dhe të ndërprerjes së tyre përcaktohen në rregulloren e personelit të Gardës, të miratuar nga Këshilli i Ministrave.


 


4. Emërimi dhe shkarkimi i oficerëve madhorë të Gardës bëhet  nga Kryeministri me propozim të Ministrit të Rendit Publik.

5. Emërimi dhe shkarkimi i oficerëve të lartë të Gardës bëhet nga Ministri i Rendit Publik me propozimin e Komandantit të Gardës.

6. Emërimi dhe shkarkimi i oficerëve të nivelit të mesëm dhe i nënoficerëve gardistë bëhet nga Komandanti i Gardës.


 


Neni 15


 


Në Gardën e Republikës funksionon hierarkia e gradave, rregullimi i të cilave bëhet me ligj të veçantë.


 


Neni 16


 


Punonjësit e Gardës ndëshkohen me këto masa disiplinore:

a) vërejtje;

b) vërejtje me paralajmërim;

c) gjobë në masën e pagës deri në 5 ditë pune;

ç) shtyrje e afatit të gradimit deri në një vit;

d) ulje në detyrë ose në funksion;

dh) pezullim nga detyra ose nga funksioni deri në 3 muaj, ose deri në përfundimin e çështjes penale;

e) përjashtim nga Garda e lirim, sipas pikës 2 të nenit 14.


 


Neni 17


 


1. Punonjësi i Gardës i nënshtrohet zbatimit të rregullores së disiplinës, të miratuar nga Këshilli i Ministrave.

2. Në Gardë, me urdhër të Ministrit të Rendit Publik, ngrihet dhe funksionon komisioni disiplinor.


 


Neni 18


 


1. Punonjësit e Gardës së Republikës i kryejnë detyrat e tyre me uniformë dhe mbajnë shenjat e miratuara me vendim të Këshillit të Ministrave. Uniforma dhe shenjat dalluese përdoren vetëm gjatë kryerjes së detyrës.

2. Shërbime të veçanta të Gardës, të përcaktuara nga Ministri i Rendit Publik, i kryejnë detyrat me veshje civile ose veshje të përshtatshme, sipas natyrës së shërbimit.

3. Punonjësi i Gardës pajiset me dokument zyrtar identiteti, të cilin e përdor vetëm për shkak të detyrës.

4. Punonjësi në rezervë i Gardës ka të drejtë të përdorë uniformën në raste festash zyrtare dhe ceremonish.


 


Neni 19


 


Punonjësit e Gardës i nënshtrohen juridiksionit penal të zakonshëm.


 


Neni 20


 


1. Punonjësi i Gardës së Republikës, në shërbim ose për shkak të shërbimit, është i paprekshëm. Fyerjet, kundërshtimet dhe çdo veprim i dhunshëm ndaj tij dënohen sipas dispozitave të Kodit Penal.


 


2. Kur punonjësit të Gardës, për shkak të detyrës, i kërcënohet jeta, familja a prona, shteti i garanton mbrojtje të veçantë. Mënyrat e mbrojtjes përcaktohen me vendim të Këshillit të Ministrave.


 


Neni 21


 


Punonjësi i Gardës, gjatë kryerjes së detyrës, përdor edhe forcën fizike ose mjete teknike të posaçme për të neutralizuar ose për të shmangur persona të veçantë ose grup personash, që nuk u binden kërkesave të tij e që përbëjnë rrezik ose pengojnë kryerjen e shërbimit për ruajtjen e personaliteteve a të objekteve që parashikohen në këtë ligj.


 


Neni 22


 


Punonjësit e Gardës, gjatë kryerjes së detyrës, kanë të drejtë të bëjnë verifikimin e identitetit, kontrollin fizik të mjeteve dhe të bagazheve të të gjithë personave që hyjnë në objektet në ruajtje.


 


Neni 23


 


Për nevojat e sigurisë ose në kushtet e nevojës ekstreme ndaj personaliteteve të larta shtetërore të vendit dhe të huaja, si dhe gjatë veprimtarive të caktuara, punonjësit e Gardës, vetë a në bashkëpunim me organet e pushtetit vendor ose me Policinë e Shtetit, bllokojnë pjesë rrugësh a mjedise publike për aq kohë sa është e nevojshme.


 


Neni 24


 


1. Punonjësit e Gardës, që kryejnë detyrën e ruajtjes nga afër të personaliteteve, i kërkojnë punonjësit të policisë të bëjë identifikimin dhe shoqërimin e personave të dyshuar.

2. Bashkëpunimi ndërmjet strukturave të Policisë së Shtetit dhe Gardës së Republikës rregullohet me urdhër të Ministrit të Rendit Publik.


 


Neni 25


 


Punonjësi i Gardës përdor armën në rastet e përcaktuara në ligjin nr.8290, datë 24.2.1998 “Për përdorimin e armëve të zjarrit”, si dhe në rastet kur sulmohen:

personalitetet e larta shtetërore të vendit dhe të huaja;

rojet dhe objektet në ruajtje.


 


Neni 26


 


Për kryerjen e detyrave, punonjësi i Gardës pajiset me armatim dhe mjete teknike të posaçme, të përcaktuara me vendim të Këshillit të Ministrave.


 


Neni 27


 


Subjektet private dhe shtetërore janë të detyruara t’i lejojnë punonjësit e Gardës së Republikës që të kryejnë detyrat për mbrojtjen e personaliteteve të larta të vendit dhe të huaja, në rastet kur këto personalitete shkojnë pranë këtyre subjekteve, për veprimtari pune ose pushimi. Në këto raste, punonjësi i Gardës që kryen këtë detyrë identifikohet si i tillë.


 


Neni 28


 


1. Shërbimet informative dhe ato të Policisë së Shtetit detyrohen t’i japin të dhëna Gardës për një rrezik të mundshëm ndaj personaliteteve të larta shtetërore a ndaj objekteve.

2. Rregullat për shkëmbimin e të dhënave përcaktohen me udhëzim të përbashkët të Ministrit të Rendit Publik dhe titullarëve përkatës.


 


Neni 29


 


Zyrat e protokollit dhe kabinetet e personaliteteve detyrohen të njoftojnë Gardën e Republikës jo më vonë se 24 orë përpara për veprimtarinë e personaliteteve të larta shtetërore të vendit ose të huaja.


 


Neni 30


 


Punonjësi i Gardës nuk mund të dypunësohet ose të kryejë veprimtari private.


 


Neni 31


 


1. Punonjësi i Gardës, në çdo rrethanë, nuk duhet të sillet dhe të mbajë qëndrime që cenojnë natyrën e depolitizuar të Gardës.

2. Punonjësit të Gardës i ndalohet anëtarësimi dhe pjesëmarrja në veprimtari të partive a të shoqatave politike.

3. E drejta e punonjësit të Gardës për t’u përfaqësuar në organet e zgjedhura rregullohet me ligjin për zgjedhjet e përgjithshme dhe vendore.


 


Neni 32


 


Punonjësve të Gardës u ndalohet të organizohen në sindikata dhe të ushtrojnë të drejtën e grevës, si dhe të bëjnë grumbullime.


 


Neni 33


 


1. Koha e punës e punonjësve të Gardës njësohet me atë të punonjësve të tjerë të administratës publike, me përjashtim të përcaktimeve të shprehura në këtë ligj.

2. Pushimi vjetor për punonjësit e Gardës është 30 deri në 45 ditë kalendarike dhe jepet i shkallëzuar, sipas funksioneve dhe gradave.

3. Kur, për arsye pune a shërbimi, pushimi vjetor nuk mund të jepet brenda vitit, ai jepet jo më vonë se në muajin shkurt të vitit pasardhës, në të kundërt bëhet kompensimi i tij në vlerë.

4. Punonjësi i Gardës i gëzon këto të drejta edhe në rastet e shërbimit në ditët e pushimeve javore ose në ditët e festave zyrtare.

5. Në rast fatkeqësie familjare, martese ose në raste të tjera të veçanta punonjësit të Gardës i jepet deri në 7 ditë leje e pagueshme ose deri në 2 muaj leje pa të drejtë page.

6. Periudha e lejes pa të drejtë page nuk llogaritet në vjetërsi pune a shërbimi dhe as për efekt të ecurisë në gradë.

7. Kriteret dhe masat e përfitimeve përcaktohen me akte normative të miratuara nga Këshilli i Ministrave.


 


Neni 34


 


1. Punonjësi i Gardës, për shkak të përgjegjësisë, vështirësisë dhe rrezikshmërisë së lartë në detyrë, ka përparësi në trajtimin me pagë.

2. Paga e punonjësit të Gardës caktohet në varësi të rolit dhe të gradës që ka fituar, funksionit që kryen, shkallës së rrezikshmërisë dhe  vështirësisë, si dhe në varësi të kushteve të tjera, të veçanta, të vendit të punës, të shërbimit dhe të profesionit.


 


3. Paga mujore e punonjësit të Gardës përbëhet nga paga bazë, shtesa mbi pagën bazë (në përqindje ose në skemë absolute) dhe kompensimet për privacionet dhe humbjet që i krijohen punonjësit të Gardës për shkak të nevojave të punës e të shërbimit.

4. Paga bazë mujore është fikse dhe përcaktohet sipas funksionit (nivelit) dhe gradës. Punonjësi i Gardës, për natyrë të veçantë shërbimi, përfiton shtesë mbi pagën bazë.

5. Rregullimi i pagave dhe kriteret për dhënien e tyre miratohen me vendim të Këshillit të Ministrave.


 


Neni 35


 


1. Punonjësve të Gardës, për rezultate shumë të larta në stërvitje e gatishmëri, ruajtje e administrim të vlerave materiale e monetare, si dhe kur kryejnë detyra me rreziqe për jetën e tyre, u jepet shpërblim.

2. Kriteret dhe masa e shpërblimit caktohen me vendim të Këshillit të Ministrave.


 


Neni 36


 


1. Punonjësit të Gardës, në rast pamundësie punësimi të bashkëshortes, i jepet ndihmë financiare në raport me pagën minimale në shkallë vendi dhe për fëmijët që ka në ngarkim.

2. Periudha e trajtimit me këtë ndihmë financiare njihet periudhë sigurimi për bashkëshorten.


 


Neni 37


 


1. Punonjësi i Gardës, në rast transferimi dhe kur është i pastrehë, përfiton kompensim qiraje banese deri në sigurimin e banesës nga shteti.

2. Masa dhe kriteret e kompensimit përcaktohen me vendim të veçantë të Këshillit të Ministrave.


 


Neni 38


 


Punonjësi i Gardës, kur dërgohet për formim dhe kualifikim profesional me shkëputje nga puna mbi 6 muaj, trajtohet me pagën e gradës dhe funksionit që ka.


 


Neni 39


 


1. Punonjësi i Gardës, përveç përfitimeve që rrjedhin nga ligji nr.7709, datë 11.5.1993 “Për sigurimet shoqërore në Republikën e Shqipërisë”, me ndryshimet dhe plotësimet e mëvonshme, gëzon të drejtën e përfitimeve të tjera suplementare.

2. Përfitimet suplementare për punonjësit e Gardës janë:

pagesë për paaftësi të përkohshme dhe të përhershme në punë;

kompensim për dëmtime trupore dhe materiale;

mbulimi i shpenzimeve për rehabilitimin shëndetësor;

ç)   trajtim shëndetësor pa pagesë;

përballimi i shpenzimeve të varrimit dhe ndihmat e menjëhershme;

dh) pension të pjesshëm për vjetërsi shërbimi;

reduktim të moshës së daljes në pension pleqërie;

ë)   shtesë pensioni pleqërie, invaliditeti e familjar;

f)  trajtim me pagesë kalimtare, për shkak të ndërprerjes ose të pamundësisë së vazhdimit të karrierës;

g) kompensime e trajtime të tjera, të parashikuara me akte normative të veçanta.

3. E drejta e përfitimeve suplementare për punonjësit e Gardës varet nga koha (vjetërsia) e shërbimit, paga e realizuar dhe kontributi i paguar.

4. Kohë (vjetërsi) shërbimi për punonjësit e Gardës quhet:

koha nga data e pranimit si kursant ose student;

b) koha e njohur si ushtarak i Forcave të Armatosura të Republikës së Shqipërisë ose si efektiv i Policisë së Shtetit;

c) koha e ndërprerjes së karrierës, për shkak të një vendimi të padrejtë;

ç) koha e qëndrimit në dispozicion, për shkak të pritjes për sistemimin në një funksion në përputhje me gradën;

d) gjysma e periudhës së kaluar si punonjës në sektorët civilë dhe periudha e plotë e kaluar si ushtarak, para pranimit si punonjës i Gardës.

5. Paga e realizuar, për efekt të përfitimit nga ky ligj, është paga bazë mujore, së bashku me shtesat me karakter të përheshëm që ka përfituar punonjësi i Gardës.


 


Neni 40


 


Punonjësi i Gardës, në rast paaftësie shëndetësore për të shërbyer në Gardë ose kur i shkurtohet funksioni organik, ka përparësi punësimi në administratën publike, sipas kritereve të përcaktuara në ligjin nr.8549, datë 11.11.1999 “Për statusin e nëpunësit civil”.


 


Neni 41


 


Garda e Republikës ndërton, me fonde shtetërore, apartamente banimi, ku strehohen punonjësit e saj. Apartamentet i marrin me qira, me kushte lehtësuese, sipas udhëzimit të Ministrit të Rendit Publik.


 


Neni 42


 


1. Ngarkohet Këshilli i Ministrave që brenda gjashtë muajve të nxjerrë aktet nënligjore në bazë e për zbatim të këtij ligji sipas neni 4 shkronja “ç”, nenit 5 pika 2, nenit 7, nenit 8 pika 2, nenit 14 pika 3, nenit 17 pika 1, nenit 18 pika 1, nenit 20, nenit 26, nenit 33, nenit 34 pika 5, nenit 35, nenit 36, nenit 37 pika 2 dhe nenit 39.

2. Ngarkohet Ministri i Rendit Publik të nxjerrë aktet sipas nenit 17 pika 2, nenit 18 pika 2 dhe nenit 24 pika 2.


 


Neni 43


 


Ligji nr.7602, datë 9.9.1992 “Për Gardën e Republikës së Shqipërisë”, me të gjitha ndryshimet e bëra në të, si dhe të gjitha aktet e tjera ligjore që vijnë në kundërshtim me këtë ligj, shfuqizohen.


 


Neni 44


 


Ky ligj hyn në fuqi 15 ditë pas botimit në Fletoren Zyrtare.


 

[Martin]

FLM per pergjigjen Tac.
Shifet qarte qe garda ka thjesht si detyre mbrojtjen e personave te caktuar me ligj dhe te godinave qeveritare. Asgje te perbashket me stervitjet taktike qe paraqesin disa nga fotot e postuara me siper..

[TacTeam]

FLM per pergjigjen Tac.
Shifet qarte qe garda ka thjesht si detyre mbrojtjen e personave te caktuar me ligj dhe te godinave qeveritare. Asgje te perbashket me stervitjet taktike qe paraqesin disa nga fotot e postuara me siper..

Martin me kupto drejt, une nuk jam kurre kundra stervitjeve taktike, por ka shume per te bere deri sa te vihet aty...Nuk asgje te keqe gje GARDA te kete nje ose dy grupe taktike qe ne menyre strikte te merren vetem me situatat qe i perkasin Gardes, problemi eshte tek ngaterrimi i detyrave, profileve dhe gradave...Nuk e ka pas marr vesh i pari te dytin...nuk merrej vesh nga vinin urdhrat, dhe kush ishte ne krye te opracioneve...Vinin urdherat ne radio nga persona qe nuk kishin as te drejte profesionale, as ligjore qe te jepnin urdhra...Nuk kishin pse dilnin ne radio fare...Shpresoj qe gjendja te jete permirsuar dhe te kete hirarki vertikale dhe horizontale nga ku vine urdherat, e misionet te jene te qarta ato qe parashikon ligji.

[Martin]

Martin me kupto drejt, une nuk jam kurre kundra stervitjeve taktike, por ka shume per te bere deri sa te vihet aty...Nuk asgje te keqe gje GARDA te kete nje ose dy grupe taktike qe ne menyre strikte te merren vetem me situatat qe i perkasin Gardes, problemi eshte tek ngaterrimi i detyrave, profileve dhe gradave...Nuk e ka pas marr vesh i pari te dytin...nuk merrej vesh nga vinin urdhrat, dhe kush ishte ne krye te opracioneve...Vinin urdherat ne radio nga persona qe nuk kishin as te drejte profesionale, as ligjore qe te jepnin urdhra...Nuk kishin pse dilnin ne radio fare...Shpresoj qe gjendja te jete permirsuar dhe te kete hirarki vertikale dhe horizontale nga ku vine urdherat, e misionet te jene te qarta ato qe parashikon ligji.

Tac
Nuk eshte keq qe garda te kete njohuri dhe aftesi te tjera perofesionale permbi ato qe kerkohen per te permbushur detyrat qe parashikon ligji. Puna eshte se ne te gjitha vendet serioze dhe demokratike te botes punet jane te ndara dhe ka nje arsye se pse jane te ndara. Nuk mund te kesh pergatitjen dhe stervitjen e duhur  per nderhyrje te komplikuara ne Renea, Garde dhe Boss njekohesisht. Garda ka per detyre ruajtjen e personave dhe te objekteve... Errdhi puna deri aty sa te merren njerez peng, dhe me the te thashe dmth gjera qe kerkojne nderhyrje ne godina ..Atehere eshte renea qe perzihet dhe jo garada. Thesht per arsyen se renea stervitet dhe eshte per ate pune.

[TacTeam]

Tac
Nuk eshte keq qe garda te kete njohuri dhe aftesi te tjera perofesionale permbi ato qe kerkohen per te permbushur detyrat qe parashikon ligji. Puna eshte se ne te gjitha vendet serioze dhe demokratike te botes punet jane te ndara dhe ka nje arsye se pse jane te ndara. Nuk mund te kesh pergatitjen dhe stervitjen e duhur  per nderhyrje te komplikuara ne Renea, Garde dhe Boss njekohesisht. Garda ka per detyre ruajtjen e personave dhe te objekteve... Errdhi puna deri aty sa te merren njerez peng, dhe me the te thashe dmth gjera qe kerkojne nderhyrje ne godina ..Atehere eshte renea qe perzihet dhe jo garada. Thesht per arsyen se renea stervitet dhe eshte per ate pune.

Te kuptoj.
Po te marre nje shembull pak me konkret.  Sherbimet Sekrete Amerikane (US Secret Service) jane te ngarkuar me dy detyra kryesore. Ruajtjen e Presidentit, Familjes se tij, dhe shume senatoreve te tjere si dhe residencat shteterore dhe private te tyre, gjithashtu parandalimin e prodhimit dhe futjes se kartmonedhave fallco ne qarkullim. Te gjithe pjestaret e sherbimeve sekrete mbajne titullin agjente, ose agjent special. Por ne numeklature USSS ka dhe departamentin e saj te policise me uniforme. Ne te njejten kohe te gjithe agjentet aktiv (field agents) jane te trajnuar ne luftime taktike. Por detyrat jane te ndara dhe nuk kane lidhje fare me demostratat ose ruajtjen e parlamentit, ose te objekteve te tjera si keto.
http://www.secretservice.gov/


The Secret Service is not made up exclusively of agents wearing suits, ties, shades, and earpieces. In fact, as the agency's "dual mission" is to both protect VIPs as well as safeguard the nation's financial infrastructure (e.g., take down counterfeiters, fiscal gangsters, ID thieves, etc.), most agents spend as much time in SWAT-style gear as in white shirts and wingtips. The agents above—members of an elite division within the agency called the Counter Assault Team, or CAT—are prime examples of the agency's more heavily armed elements. They're not beside the president when he works a crowd, but in stairwells, on rooftops, in alleyways. Former agent Petro's book is filled with stories of his time on both sides of the Secret Service fence—working "investigation" and "protection," as the assignments are known. "You can't do protection all the time," he told LIFE. "The intensity, the immobility is so stressful. You need a break from the routine of protection that comes with being part of an active investigation."

[RENEA]

http://www.garda.gov.al/spaw2/uploads/files/REVISTA%20NR%2032%20NENTOR%202010%20web.pdf

[Gaston]

http://www.shekulli.com.al/2011/02/08/21-janari-arrestohet-gardisti-i-videos-se-vrasjes-se-veizit.html


Mbrëmë pasi ka lënë shërbimin, Shefi i Shtabit të Njësisë Speciale të Gardës, Agim Llupo është marrë në pyetje nga prokuroria dhe rreth orës 03:00 të mëngjesit është arrestuar
Arrestimi i tij u krye në ambientet e prokurorisë së kryeqytetit, ku janë thirrur punonjësit e Drejtorisë së Policisë së Tiranës për t'i vënë prangat

Identifikimin e tij, si autor të vrasjes së Ziver Veizit është bërë nga predha e gjetur në trupin e Veizit dhe krahasimit balistik me armën e sekuestruar që ditën e ngjarjes Llupo kishte në përdorim

ate sikur e vrau plaku 007???

[Gaston]

http://www.shekulli.com.al/2011/02/08/21-janari-arrestohet-gardisti-i-videos-se-vrasjes-se-veizit.html


Mbrëmë pasi ka lënë shërbimin, Shefi i Shtabit të Njësisë Speciale të Gardës, Agim Llupo është marrë në pyetje nga prokuroria dhe rreth orës 03:00 të mëngjesit është arrestuar
Arrestimi i tij u krye në ambientet e prokurorisë së kryeqytetit, ku janë thirrur punonjësit e Drejtorisë së Policisë së Tiranës për t'i vënë prangat

Identifikimin e tij, si autor të vrasjes së Ziver Veizit është bërë nga predha e gjetur në trupin e Veizit dhe krahasimit balistik me armën e sekuestruar që ditën e ngjarjes Llupo kishte në përdorim

ate sikur e vrau plaku 007??? ....pra ketu ndodh nje gje e cuditeshme....ose ish shoku jone i kriminalistikes qe qe ne diten e pare tha qe se ka vrare polici..., dhe u mbeshtet kaq fuqishem ketu ne forum nga expertet e kriminalistikes te ministrise albmilitary.com , nuk din te bej punen e tij , ose ato e bejn punen shume mire dhe prokuroria qenka vertete gurp e pucit. Ne rastin e pare me vjen shume keq per efektiva te policise qe po i bejn shpatulla politikes shqiptare , duke ulur ne zero profesionalizmin...por edhe ato skan faj...urdherat ato jane...duhet mbajtur vendi i punes

[Bledi]

LIGJ

Nr.8290, datë 24.2.1998


PËR PËRDORIMIN E ARMËVE TË ZJARRIT

 

Në mbështetje të nenit 16 të ligjit nr.7491, datë 29.4.1991 “Për dispozitat kryesore kushtetuese”, me propozimin e Këshillit të Ministrave

 

KUVENDI POPULLOR

I REPUBLIKËS SË SHQIPËRISË

 

V E N D O S I:

 

Neni 1

 

Arma e zjarrit përdoret si mjet ekstrem për të frenuar ose paralizuar veprimet e kundërligjshme të personit ose personave të përcaktuar në këtë ligj, kur mjetet e tjera nuk kanë dhënë rezultat ose kur duket qartë se përdorimi i tyre nuk do të ketë sukses.

 

Neni 2

 

Forcat e Armatosura të Republikës së Shqipërisë, policitë e tjera të armatosura të krijuara me ligj, të cilat nuk janë në përbërje të Forcave të Armatosura, si dhe rojat civilë të armatosur, kanë të drejtë të përdorin armët e zjarrit për të mbrojtur jetën, shëndetin, të drejtat dhe interesat e tyre ose të një tjetri nga një sulm i padrejtë, i vërtetë dhe i çastit, me kusht që karakteri i mbrojtjes të jetë në proporcion me rrezikshmërinë e sulmit (në kushtet e mbrojtjes së nevojshme), si dhe kur u kërkohet për të përballuar një rrezik real dhe të çastit, që kërcënon atë ose një person tjetër apo pasurinë e tyre nga një dëmtim i rëndë, me kusht që të mos jetë i provokuar prej tij dhe dëmi i shkaktuar të mos jetë më i madh se dëmi i zmbrapsur (në kushtet e nevojës ekstreme).

 

Neni 3

 

Forcat e Armatosura dhe ato që nuk bëjnë pjesë në to, por në bazë të ligjeve janë të pajisura organikisht me armë zjarri për kryerjen e detyrave të tyre, i përdorin armët e zjarrit sidomos në këto rrethana:

1. Nga forcat e policisë së Ministrisë së Brendshme:

a) Ato të policisë së kufirit

- Kur sulomohen kufijtë e Republikës së Shqipërisë nga forca ushtarake të huaja, si dhe nga grupe të armatosura nga jashtë ose nga brenda. Në këto raste zjarri hapet me urdhër të komandës eprore.

- Kur sulmohen ato vetë ose shtetas të veçantë nga grupe a individë të armatosur.

- Kur nuk mund të sigurojnë kryerjen e detyrës për ruajtjen e kufijve shtetërorë me mjete e mënyra të tjera nga shkelës të kufirit nga brenda ose jashtë, si dhe në raste të tjera kur janë siguruar të dhëna për kryerjen e një krimi të rëndë kundër shtetit, jetës a shëndetit ose kundër pasurisë.

- Kundër shtetasve që rrëmbejnë mjete kryesore ajrore, detare e të transportit hekurudhor.

Rastet e mësipërme vlejnë edhe për personat e tjerë që janë vënë në ndihmë të forcave të kufirit.

b) Ato të policisë së ruajtjes së rendit

- Kur është duke u kryer një krim i rëndë, terror, shkatërrim ose dëmtim i pasurisë shtetërore, publike a private, me zjarr, lënë plasëse, armë ose mjete të tjera të rrezikshme, vrasje, grabitje a vjedhje e bankave dhe objekteve ku mbahen vlera të mëdha materiale e kulturore, e makinave që transportojnë vlera monetare a materiale të rëndësishme, si dhe kur ka përdhunim nga një grup personash a rrëmbim personash, të parashikuara në Kodin Penal.

- Kur është duke u kryer një krim me armë zjarri ose me armë të tjera, me lëndë plasëse a helmuese, me mjete që, kur vihen në lëvizje, nuk mund të kontrollohen.

- Kur personi që ka kryer, është duke kryer ose ka të dhëna të mjaftueshme se ka kryer një krim të rëndë, përpiqet t’i shpëtojë ndalimit ose arrestimit.

- Kur personat e dënuar, të arrestuar a të ndaluar tentojnë të largohen nga vendet e kryerjes së dënimit, dhomat e paraburgimit ose vendet ku mbahen për t’u shoqëruar nga personat që i shoqërojnë ose nga mjetet me të cilat transportohen.

- Kur persona të ndryshëm tentojnë të lirojnë me dhunë ose me armë të dënuarit a të paraburgosurit nga vendet e kryerjes së dënimit, dhomat e paraburgimit, vendet ku mbahen për t’u shoqëruar ose mjetet me të cilat transportohen.

- Kur persona të ndryshëm përpiqen të kalojnë me dhunë a duke përdorur armë ose mjete në vende ku ka ndalim policie ose që ruhen me postbllok nga organet e ruajtjes së rendit publik.

- Kur forcat e ruajtjes së rendit ose të tretë, si dhe objektet e tyre, sulmohen me armë a mjete të tjera të rrezikshme për jetën dhe në rrethanat konkrete sulmi nuk mund të zmbrapset me mjete të tjera.

2. Nga forcat e Ministrisë së Mbrojtjes (përveç rasteve që lidhen me plotësimin drejtpërdrejt të misionit të mbrojtjes së tërësisë territoriale të Republikës së Shqipërisë).

- Kur persona të armatosur ose me mjete të tjera tentojnë të hyjnë me forcë në zona e objekte të ndaluara ushtarake, të ruajtura nga roja të armatosur.

- Kur objekti ushtarak sulomohet nga persona të armatosur ose tentohet për ta shkatërruar a vjedhur atë nga ushtarakët brenda territorit të objektit.

3. Nga rojat civilë të armatosur.

- Kur persona të ndryshëm përpiqen të futen forcërisht ose me automjete në zona të ndaluara a në objekte të rëndësisë së veçantë, të caktuara me akte nënligjore ose në objekte që janë marrë në ruajtje.

 

Neni 4

 

Punonjësit e Shërbimit Informativ Kombëtar ose të policive të tjera të caktuara me ligj, që nuk janë në përbërje të Forcave të Armatosura, por janë të pajisura me armë zjarri, i përdorin ato në përputhje me kushtet e përcaktuara sipas shkronjës “b” të nenit 3.

 

Neni 5

 

Armët e zjarrit nuk lejohen të përdoren:

a) kundër personave që në dukje tregojnë se janë të mitur (fëmijë), gra dhe pleq;

b) në vende publike, ku ka mbledhje e grumbullime njerëzish dhe vihet në rrezik jeta e të tjerëve.

Armët e zjarrit në këto raste mund të përdoren vetëm kundër personave të veçantë që kryejnë vepra të dukshme dhune kundër personit ose pasurisë, që në vetvete përbëjnë shkelje të rënda të ligjit dhe kur përdorimi i masave të tjera shtrënguese nuk ka dhënë rezultatet e dëshiruara.

 

Neni 6

 

Me ndërprerjen, pushimin, përfundimin e sulmit ose dorëzimin e sulmuesit, duhet të ndërpritet edhe përdorimi i armëve të zjarrit.

 

Neni 7

 

Para përdorimit të armëve të zjarrit, personat, ndaj të cilëve ato do të përdoren, duhet të paralajmërohen me zë të lartë e të qartë.

Kur personi nuk i bindet urdhrit, por përpiqet të largohet ose të reagojë qëllohet pa paralajmërim duke synuar në pjesët e poshtme të trupit.

 

Kur rrethanat nuk lejojnë në asnjë mënyrë zbatimin e rregullave të mësipërme, armët e zjarrit përdoren pa paralajmërim.

 

Neni 8

 

Forcat e Armatosura, ato të policive të tjera jo në përbërje të Forcave të Armatosura dhe rojat civilë të armatosur, kur përdorin armët e zjarrit në kundërshtim me rregullat e përcaktuar në këtë ligj, përgjigjen sipas Kodit Penal.

 

Neni 9

 

Ngarkohen Ministria e Brendshme, Ministria e Mbrojtjes dhe Shërbimi Informativ Kombëtar të nxjerrin aktet nënligjore në bazë dhe për zbatim të këtij ligji.

 

Neni 10

 

Dekreti nr.7449, datë 5.1.1991, si dhe çdo dispozitë që bie në kundërshtim me këtë ligj, shfuqizohet.

 

Neni 11

 

Ky ligj hyn në fuqi me dekretimin e tij nga Presidenti i Republikës.      

 

Shpallur me dekretin nr.2002, datë 27.2. 1998 të Presidentit të Republikës së Shqipërisë, Rexhep Meidani

 

 
Ky eshte ligji ne fuqi per perdorimin e armeve te zjarrit ne RSH.

Per mendimin  tim perdorimi i armeve nga garda ka shkelur nenin 2

Ne pjesen ku thuhet [ kanë të drejtë të përdorin armët e zjarrit për të mbrojtur jetën, shëndetin, të drejtat dhe interesat e tyre ose të një tjetri nga një sulm i padrejtë, i vërtetë dhe i çastit, me kusht që karakteri i mbrojtjes të jetë në proporcion me rrezikshmërinë e sulmit (në kushtet e mbrojtjes së nevojshme) ] Pra sulmi me gure nuk eshte ne proporcion me mbrojtjen me arme.

Kane shkelur nenin numer 5 pika "a" dhe "b".

Per piken "a" me sa mund te duket ne video gardisti mori ne shenje ate cunin me tuta qe ishte tek dera por padashje i ra Veizit.Mua ai cuni mu duk si i mitur, megjithate kjo eshte thjesht hipoteze. por nderkohe qe pika "b" i ve kapak kesaj pune kur thote qe:  

Nuk lejohet perdorimi i armeve në vende publike, ku ka mbledhje e grumbullime njerëzish dhe vihet në rrezik jeta e të tjerëve.

Armët e zjarrit në këto raste mund të përdoren vetëm kundër personave të veçantë që kryejnë vepra të dukshme dhune kundër personit ose pasurisë, që në vetvete përbëjnë shkelje të rënda të ligjit dhe kur përdorimi i masave të tjera shtrënguese nuk ka dhënë rezultatet e dëshiruara.

Pra ne rastin e pikes "b" ne pergjithesi nuk lejohet perdorimi i armeve gjate tubimeve, por ne raste te vecanta lejohet kunder personave te vecante qe kryejne vepra te dukshme dhune kundër personit ose pasurisë, që në vetvete përbëjnë shkelje të rënda të ligjit dhe kur përdorimi i masave të tjera shtrënguese nuk ka dhënë rezultatet e dëshiruara.
 Pra shkurt muhabeti Veizi po rrinte dhe as po godiste ndonje njeri apo ndonje banese, aq me teper pastaj deda qe ishte larg fare apo aleksi!!

Gjithashtu eshte shkelur dhe neni 7:

Para përdorimit të armëve të zjarrit, personat, ndaj të cilëve ato do të përdoren, duhet të paralajmërohen me zë të lartë e të qartë.

Kur personi nuk i bindet urdhrit, por përpiqet të largohet ose të reagojë qëllohet pa paralajmërim duke synuar në pjesët e poshtme të trupit.

 

Kur rrethanat nuk lejojnë në asnjë mënyrë zbatimin e rregullave të mësipërme, armët e zjarrit përdoren pa paralajmërim

Ne pjesen ku thuhet se personi duhet te paralajmerohet me ze te larte e te qarte. askush nuk u paralajmerua. do thoni ju po nuk degjohej gje se ishte shume rremuje. ok po e pranoj. po atehere pse u qellua ne koke e jo ne pjeset e uleta te trupit??

Ne keto rrethana perse nuk po zbatohet neni 8 qe parashikon: Forcat e Armatosura, ato të policive të tjera jo në përbërje të Forcave të Armatosura dhe rojat civilë të armatosur, kur përdorin armët e zjarrit në kundërshtim me rregullat e përcaktuar në këtë ligj, përgjigjen sipas Kodit Penal.

Perse nuk po zbatohen urdherndalimet e leshuara nga prokuroria per te verifikuar nese ka pasur kundershtim nga rregullat e percaktuara me ligj, dhe nese po te zbatohet kodi penal?!



Doni zdoni ky eshte ligji. ketu ska as pd e as ps. ky eshte ligj dhe duhet zbatuar nese vertet pretendojme te jemi shtet ligjor dhe demokratik!!

[Komisar Katani]

Une akoma vazhdoj te mendoj se i ndjeri Veizi s'eshte vrare nga gardisti. Per mendimin tim saga e ketij rasti sapo ka filluar. Do presim dhe do shohim.

Po zhvillohet "Lufte e ftohte", prokurori vs polici....

[Bledi]

http://www.shekulli.com.al/2011/02/25/ekspertet-e-sigurise-berisha-i-trembet-nje-atentati-me-shperthim.html


Mendohet se jeta e kryeministrit rrezikohet nga ndonje atentat me ane te shperthimit te eksplozivit. interesant eshte fakti se garda zoteron nje makine e cila ka nje antene qe arrin te bllokoje cdo lloje vale telefoni apo te cdo lloji tjeter ne nje rreze te caktuar, kjo per te parandaluar ndonje shperthim me telekomande.